Денес беа издадени наредби за евакуација за делови од округот Оринџ во Калифорнија, каде што пожарот „Норте“ (Norte Fire) брзо се шири, при што најмалку шест куќи се оштетени или уништени. Според официјални лица, на кои се повикува ABC, во моментов со огнената стихија се борат околу 400 пожарникари, а уште 400 се на пат кон погодените подрачја.Пожарот избувна во петокот попладне (по локално време) во Сан Клементе и оттогаш зафати најмалку 465 хектари.
😢 BREAKING
This is what residents in San Clemente, California are seeing right now.
A massive wall of fire is burning just behind homes as thick smoke fills the sky.
The Norte Fire has grown to ~570 acres with 0% containment and is getting dangerously close to backyards.#Tws https://t.co/forz5KCtlq
— Tony’s Crib (@Twintex1) October 17, 2026
Во соопштението на Управата за противпожарна заштита на округот Оринџ се наведува дека евакуацијата опфаќа околу 4.600 луѓе, додека речиси 16.000 луѓе се наоѓаат во загрозената зона.
Шефот на Управата за противпожарна заштита на округот Оринџ, Ти Џеј Мекговерн, изјави дека временските услови и локалниот терен придонеле за брзото ширење на пожарот.
Меѓу жителите нема повредени, но двајца пожарникари се здобиле со повреди.
Противпожарните екипи се борат со пожарот и од земја и од воздух, а јавноста е повикана да го избегнува погоденото подрачје.
Како мерка на претпазливост, затворени се неколку училишта во рамките на Обединетиот училишен округ Капистрано.
Пожарот избувна во услови кои се исклучително погодни за појава на шумски пожари, вклучувајќи силни ветрови „Санта Ана“ и високи температури. Предупредувањата за висок ризик од пожари остануваат на сила до вечерва за окрузите Лос Анџелес и Вентура, како и за подрачјето во подножјето близу кањонот Антилопа.
Пожарот „Норте“ гори на околу 32 километри северно од пожарот „Хендерсон“ (Henderson Fire) во воената база „Камп Пендлтон“ во округот Сан Диего, при што досега се зафатени 8.000 хектари.