Лионел Меси се прости од аргентинската репрезентација со емотивна порака, откако постигна гол и запиша две асистенции на последниот натпревар против Бенин (3:0).
Легендарниот фудбалер призна дека веќе му недостига репрезентативниот дрес, но истакна дека е убеден оти ја донел вистинската одлука.
„Вчера беше мојот последен натпревар и веќе ми недостига носењето на небесно-синиот и бел дрес. Знам дека ја носам вистинската одлука. Тоа беше неверојатно патување, полно со радост, но и малку тажно; сепак, знам дека секој чекор што го направив вредеше“, напиша Меси на социјалната мрежа Инстаграм.
💭 Lionel Messi: “I don’t want to forget Diego, who put our country where it deserved to be”.
“I know he helped us when he was here with us and also from heaven, every step of the way”. https://t.co/EzKC21xhgC
— Fabrizio Romano (@FabrizioRomano) October 7, 2026
Потоа, Меси им се заблагодари на своето семејство, пријателите, соиграчите, тренерите и клубовите, а го спомена и поранешниот аргентински фудбалер и тренер Диего Армандо Марадона, кој почина во 2020 година.
„Не сакам да го заборавам Диего, кој ја одведе нашата земја таму каде што заслужува да биде и кој, како што секогаш велам, нè поддржуваше на секој чекор – и додека беше овде со нас, и од небото“, рече Меси.
Со Аргентина, тој ја освои титулата светски првак во 2022 година, Копа Америка во 2021 и 2024 година, како и Финалисима во 2022 година.
„Сите ве сакам многу, ќе ми недостигате и секогаш ќе ви бидам благодарен што бевте со нас, со мене“, заклучи Меси.