Лионел Меси (39) го одигра последниот натпревар за аргентинската репрезентација во Буенос Аирес, на „Монументал“, против Бенин. Аргентина победи со 3:0, а Меси постигна еден гол и запиша две асистенции.
Во 48. минута му асистираше на Николас Отаменди, а во 61. минута и на Нико Паз. Во 71. минута од пенал го постигна својот 126. и последен гол за репрезентацијата.
Меси се прости од националниот тим како рекордер по бројот на настапи (208), голови (126) и асистенции (69). Со Аргентина ги освои сите најважни трофеи – Светското првенство, две Копа Америка и олимписко злато.
🚨🎙️| Messi: “I don’t want to leave. I will miss you all. I’m thankful to God for being Argentine and proud to be Argentine, and to have accomplished this dream with you all.” 🩵🩵 https://t.co/owyywWWSHA
— Kalshi FC (@KalshiFC) October 7, 2026
„Не сакам да си заминам. Му благодарам на Бога што сум Аргентинец и горд сум што сум Аргентинец и што го остварив овој сон со сите вас“, порача Меси во прошталниот говор.
https://t.co/0NG5r5CdSx
— Messi World (@M10GOAT) October 7, 2026
По натпреварот тој заплака, додека целиот стадион му приреди спектакуларно испраќање. Над Буенос Аирес со дронови беа прикажани неговиот лик, бројот 10 и трофејот од Светското првенство. Меси го напушти теренот во придружба на сопругата и децата, поминувајќи низ шпалир од репрезентативците кои му аплаудираа.