34-годишниот ветеран Феликс Санчез се закити со златото на 400 метри со пречки.
Доминиканскиот атлетичар покажа дека е далеку од пензија, поминувајќи ја делницата со време од 47,63 секунди, што е најдобар резултат сезонава, по што по двете светски титули, ова му е втора олимписка. Среброто го освои Мајкл Тинсли од САД (47,91), додека бронзата Порториканецот Хавиер Кулсон (48,10).
На истата делница, но без препреки, славјето му припадна на 19-годишниот тинејџер Кирани Џејмс од Гранада, кој до златниот медал дојде со време од 43,94 секунди.
Второто место го освои Лигуелин Сантош од Доминикана, додека третото место му припадна на Лалонде Гордон од Тринидад и Тобаго. Куриозитет е податокот дека во финалната трка немаше претставник од САД.