Полициска акција против криминална група за шврец на лекови, осомничени и вработени во Царина

Од:

Голема полициска акција е во тек на повеќе локации во Скопје, Чаир, Тетово и Гевгелија, во рамки на истрага против криминална група осомничена за криумчарење и нелегална трговија со лекови, медикаменти и суплементи, како и за коруптивни кривични дела.

Според првичните и неофицијални информации, досега се уапсени шест лица, а полицијата трага по уште неколкумина. Меѓу осомничените, според истите информации, има и лица вработени во Царинската управа.

Полициски екипи вршат претреси на повеќе од десет локации во Скопје, Тетово и Гевгелија.

При претресите во правни субјекти во Скопје и Тетово, според досегашните информации, биле пронајдени магацини со различни медицински лекови. Во еден од објектите била пронајдена и машина за екстракција на масло.

Во акцијата постапува Одделот за сузбивање на организиран криминал при Бирото за јавна безбедност во рамки на Министерството за внатрешни работи.

Истрагата, според неофицијалните информации, опфаќа сомненија за криумчарење, повреда на права од индустриска сопственост, давање и примање поткуп, како и перење пари.

Акцијата сè уште е во тек, а повеќе детали за бројот на приведените лица, пронајдените предмети и кривично-правната квалификација на делата се очекуваат од надлежните институции.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци