Во источната германска покраина Саксонија-Анхалт, гласачките места беа затворени во 18 часот, каде што околу 1,7 милиони гласачи имаа право да изберат нов покраински парламент. Според излезните анкети, десничарската Алтернатива за Германија (AfD) оствари убедлива победа со 44,5 проценти од гласовите. Ова е зголемување од речиси 24 проценти во споредба со претходните избори.
Од друга страна, Христијанско-демократската унија (CDU) претрпе пораз, освојувајќи само 18,5 проценти од гласовите.
Резултати од излезните анкети:
AfD: 44,5 проценти
CDU: 18,5 проценти
Die Linke: 9,5 проценти
Grune: 9,0 проценти
SPD: 8,0 проценти
BSW: 5,0 проценти
FDP: 2,0 проценти
AfD, која е дефинирана како антиуставна организација во оваа федерална покраина, според последните анкети на јавното мислење пред изборите, може да смета на поддршка од околу 40 проценти. CDU со премиерот Свен Шулце беше на второ место со 23 проценти.
AfD, со својот главен кандидат Улрих Зигмунд, се стремеше да освои апсолутно мнозинство и да го назначи првиот премиер на федерална држава од рамките на оваа партија. Според излезните анкети, ФДП не го помина изборниот праг со два проценти од гласовите, поради што продолжувањето на сегашната владејачка коалиција на CDU, SPD и FDP не е можно.
Со оглед на тоа што сите партии со изгледи за влез во парламентот одбиваат да соработуваат со AfD, една од можностите спомената пред изборите беше коалиција на CDU, SPD и Grune.
Во Магдебург, главниот град на Саксонија-Анхалт, се одржаа собири во поддршка на демократијата, кои беа свикани од синдикати и разни граѓански иницијативи.
Магдебуршкиот епископ на Католичката црква, Герхард Фајге, изрази страв од исходот на изборите, првенствено поради силата на AFD.
– Луѓето лесно повторно се заведуваат и тоа ме плаши… Останувам без зборови кога гледам како заканата што ја претставува AfD е намалена, рече Фајге во интервју за дневниот весник „Аугсбургер Алгемајне“.