Иран и САД разменија напади во најголемата воена ескалација меѓу двете земји по повеќе од еден месец релативен мир. Американската војска прво нападна два ирански лансери за ракети на островот Ларак во Ормутскиот теснец. Потоа Иран возврати со ракетен напад и беспилотни летала врз американските воени бази во Јордан, објави Си-Ен-Ен.
📽️Footage of US base in Jordan on fire after Iranian ballistic missile strike. pic.twitter.com/rfqef1FsK5
— Syrian Girl (@Partisangirl) August 30, 2026
Портпаролот на Централната команда на САД (CENTCOM), Тим Хокинс, изјави дека припадниците на Иранската револуционерна гарда во Ларак се подготвуваат да лансираат ракети што би лансирале поморски мини во Ормутскиот теснец.
CENTCOM го опиша нападот како „ограничена и прецизна акција“ против иранските сили што претставуваше непосредна закана за превозот.
„Иран создаде закана, а американската војска ја отстрани за да ги заштити цивилните морнари, трговскиот превоз и слободниот тек на светската трговија“, истакнаа од CENTCOM.
Жителите на областа пријавија експлозија во близина на Ларак, мал остров покрај брегот на Бандар Абас во јужен Иран. Иранските државни медиуми објавија дека во нападот загинале и ранети се припадници на иранските сили и цивили, но засега нема официјално потврден број на жртви. Иранската револуционерна гарда го нарече нападот „стратешка и смртоносна грешка“ од страна на администрацијата на американскиот претседател Доналд Трамп и најави одмазда. Иран потоа објави дека нападнала две американски воздушни бази во Јордан со ракети и беспилотни летала. Според иранските тврдења, целите биле базите „Крал Хусеин“ и „Ал-Азрак“.
The primary target of Iranian fires tonight appears to be Muwaffaq Salti Air Base in Jordan. Note that the last time Iranian strikes resulted in publicized U.S. KIA, the strikes were on MSAB. Video below shows Patriot interceptions over Jordan tonight during ongoing Iranian… pic.twitter.com/hzINXV36ky
— OSINTdefender (@sentdefender) August 30, 2026
Јорданската војска соопшти дека нејзината воздушна одбрана пресретнала и уништила осум ракети што влегле во воздушниот простор на земјата. Таа соопшти дека биле соборени пред да можат да им наштетат на цивили или имот. Нема извештаи за жртви или повредени.
Последната размена на оган се случи неколку дена откако Трамп изјави дека меѓународните бродски линии низ Ормутскиот теснец се исчистени од мини.
„Иран е информиран дека секој брод или чамец што поставува нови мини ќе биде веднаш и систематски уништен“, рече Трамп минатата недела.
Ова беше првиот американски напад врз Иран од 29 јули, кога Вашингтон соопшти дека извршил „силен бран напади“ врз десетици позиции на Револуционерната гарда.
Американската администрација во последните недели се фокусираше на економски притисок врз Техеран. Министерството за финансии објави нови санкции против земји, компании и банки кои продолжуваат да соработуваат со Иран. Американскиот секретар за финансии Скот Бесент изјави дека нови пакети санкции би можеле да се објавуваат секоја недела.
Преговорите меѓу Вашингтон и Техеран во моментов се во застој, додека Иран и Оман продолжуваат со разговорите за можен договор за враќање на бродскиот сообраќај низ Ормутскиот теснец.
Теснецот е клучен за снабдувањето со енергија во светот, бидејќи пред војната, околу 20 проценти од глобалната нафта течеше низ него. Сообраќајот денес е значително намален, а најновите напади веднаш ги зголемија цените на нафтата. Цената на суровата нафта од типот Брент порасна за 2,8 проценти на 90,57 долари за барел, додека американската сурова нафта порасна за 2,7 проценти на 85,64 долари.