Золани Тете (38), поранешен светски шампион во две тежински категории, бил убиен во петокот вечерта пред својот дом во Мдантсане, Јужна Африка.
Според првичните информации од полицијата, Тете околу 18:30 часот пристигнал пред својот дом и со автомобилот чекал да му се отвори портата. Во тој момент од друго возило излегле двајца маскирани и вооружени мажи и отвориле оган.
Тете се обидел да влезе со автомобилот во дворот, но бил смртно ранет. Во нападот била повредена и 27-годишна жена која се наоѓала во автомобилот со него. Таа била погодена повеќепати и била пренесена во болница.
Former boxing champion Zolani Tete was shot dead at his NU17, Mdantsane home on Friday evening.
SAPS says two armed suspects opened fire on his vehicle, killing the 38-year-old and seriously injuring a 27-year-old woman travelling with him.The suspects remain at large pic.twitter.com/yDGTjrAo8O
— Buffalo City Insider (@buffalo_insider) August 21, 2026
Напаѓачите побегнале, а полицијата трага по нив. Засега не е познат мотивот за нападот.
Веста за смртта ја потврдил и јужноафриканскиот министер за спорт, уметност и култура, Гејтон Мекензи. Тој изјави дека двајца вооружени мажи со маски го убиле Тете пред неговиот дом и повика сите што имаат информации да се обратат до полицијата.
Тете беше еден од најуспешните јужноафрикански боксери од својата генерација. Во 2014 година ја освои светската титула во категорија до 52,2 килограми, откако во Јапонија го совлада Теииру Киношита.
Distintos portales informan el asesinato de Zolani Tete, campeón del mundo y exrival de Omar Narváez. Yo elijo homenajearlo com uno de los mejores nocauts con uppercut que vi en mi vida, cuando liquidó a Paul Butler. QEPD 🇿🇦🥊 pic.twitter.com/VKCRaJBh74
— Luciano Jurnet (@tuchojurnet13) August 22, 2026
Во 2017 година ја освои ВБО титулата во бантам категорија со победата над Артуро Виљануева. Шампионскиот појас го држеше до 2019 година, кога со нокаут во третата рунда беше поразен од Џон Риел Касињеро.
Во професионалната кариера Тете оствари 29 победи, од кои 22 со нокаут, четири порази и еден меч без одлука.