Командантот на Европската команда на американската војска (EUCOM), генералот Алексус Гринкевич, приватно го предупредил Пентагон дека американската морнарица нема доволно поморски сили за да продолжи да го брани Израел од иранските балистички ракетни напади.
Според информациите на The Washington Post, Гринкевич посочил дека наскоро можеби ќе мора да ѝ даде приоритет на одбраната на американската територија, освен ако не биде распореден уште еден разурнувач на американската морнарица.
Предупредувањето на Гринкевич го нагласува сè поголемиот притисок што војната со Иран го врши врз американските воени ресурси.
Washington Post наведува дека речиси секојдневните операции сериозно ја оптовариле флотата на разурнувачи, додека претходни извештаи на The Wall Street Journal, The New York Times и Reuters укажуваа на растечката загриженост поради намалените залихи на ракетите „Патриот“ и другите противвоздушни пресретнувачи, неопходни за заштита на американските сили и нивните сојузници.
Пентагон одби да ги коментира информациите за внатрешната комуникација, но американски претставници за Washington Post изјавиле дека ваквото предупредување е дел од стандардната воена процедура за информирање на највисокото раководство кога оперативните ризици почнуваат да ги надминуваат расположливите ресурси.
Според неодамна објавени интерни документи на американската влада, актуелниот конфликт со Иран би можел да ги чини американските даночни обврзници до 100 милијарди долари, што е повеќе од трипати повисока сума од 30 милијарди долари, колку што Пентагон јавно призна досега.