Најмалку девет лица загинаа, а 27 се повредени, меѓу кои и четири деца, во ноќешниот руски ракетен напад врз Киев. Низ украинската престолнина во текот на ноќта одекнуваа силни експлозии, а густ чад се издигна над градот по ударите на балистички ракети.
Kyiv. Morning.
Above the city — smoke.
Below it — destroyed homes, murdered civilians.
This is the capital of a European country.
The world has been watching this for 4.5 years.
What makes you think your city would be treated any differently? https://t.co/YwXdasxryd pic.twitter.com/J5a14qQrpt
— UAVoyager🇺🇦 (@CrimeanVoyager) August 1, 2026
Украинската Државна служба за вонредни состојби соопшти дека досега се спасени 105 лица. Пожари и оштетувања на станбени згради, деловни објекти и индустриски капацитети се регистрирани во најмалку пет градски општини. Најтешко погодена е населбата Дарницки, каде што загинаа седум лица, а уште 14 се повредени, меѓу нив и две деца.
Ова е втор голем руски напад врз Украина за помалку од 48 часа.
Нападот започнал околу 1:33 часот по локално време, кога во Киев одекнале серија силни експлозии. Истовремено, украинското воено воздухопловство предупредило дека кон градот се движат повеќе балистички ракети. Нови експлозии следеле околу 2:00, 2:16 и 3:20 часот.
Градоначалникот на Киев, Виталиј Кличко, ги повика граѓаните веднаш да се засолнат, предупредувајќи дека градот е под напад со руски балистички ракети.
03:50 a Russian missile struck roughly 1km/ 1.5km from our location.
We were among the first on the scene. No emergency services had arrived.
Around 20 missiles appear to have hit the Kyiv area over several hours. We are documenting what we can from the ground however one… pic.twitter.com/0Ee3EVsrLF
— Shaun Pinner (@ShaunPinnerUA) August 1, 2026
Според локалните власти, проектилите погодиле станбени и деловни објекти, магацини, автоперални и паркинзи. Во неколку станбени згради жителите останале заробени по ударите.
Во населбата Соломјански, остатоци од ракета погодиле петкатна станбена зграда, предизвикувајќи пожар и делумно уривање. Кличко соопшти дека спасувачките екипи интервенираат за извлекување на заробените жители.
Слична ситуација е регистрирана и во населбата Шевченкивски, каде што по делумното уривање на зграда исто така останале заробени луѓе.
Во истата населба се запалила деловна зграда, како и неколку возила на итната помош. Пожарот подоцна бил ставен под контрола, а една повредена личност е пријавена. Дополнително, избувнал пожар и во кругот на филмско студио, кој исто така е локализиран.
Пожари се регистрирани и во населбите Холосијивски, Дарницки, Шевченкивски и Соломјански, а оштетени се повеќе станбени објекти низ градот.
Во Киевската област, надвор од главниот град, повредени се уште две лица, соопштија украинските служби за итни случаи.
Bodies lay in the streets of Kyiv this morning, after Russia poured ballistic missiles onto the city's civilian population.
With rescue efforts continuing, there are already 4 confirmed dead. pic.twitter.com/Ta5EUBy5pE
— SPRAVDI — Stratcom Centre (@StratcomCentre) August 1, 2026
Русија и претходната ноќ изврши масовни напади со дронови и ракети врз повеќе украински градови, меѓу кои и Лавов. Во тие напади загинаа најмалку осум лица, а повеќе од 50 беа повредени. Воздушната тревога тогаш беше активирана и во источна Полска, откако една руска ракета падна на поле во Лублинската област.
Москва во последните месеци сè почесто ја напаѓа украинската престолнина со балистички ракети, со цел да ја преоптовари украинската противвоздушна одбрана и да предизвика што поголема штета.
Балистичките ракети, особено хиперсоничните „Циркон“ и „Искандер“, тешко се пресретнуваат, а системите „Патриот“ остануваат единствената ефикасна одбрана. Украина, сепак, се соочува со недостиг од ракети-пресретнувачи.
Американскиот претседател Доналд Трамп претходно изјави дека САД размислуваат да ѝ дозволат на Украина лиценцно производство на ракети за системот „Патриот“, но неколку часа пред најновиот напад ја ублажи таа изјава.
„Не сме се обврзале на тоа. Разговараме, но е тешко да се отстапи таква технологија“, изјави Трамп.