Италијанскиот новинар Луиџи „Лука“ Еспозито беше убиен минатиот викенд, а неговото запалено тело беше пронајдено на 19 јули на земјоделско земјиште во близина на Еболи, во покраината Салерно. Истражителите се сомневаат дека Еспозито бил жив во моментот кога било запалено неговото тело, иако бил во критична состојба по брутално претепување и давење.
Поради новите сознанија, обвинителството нареди дополнителни истражни дејствија.
Обдукцијата покажа дека причината за смртта е „насилно механичко задушување“, но истовремено открила дека Еспозито непосредно пред смртта вдишал чад. Овој наод укажува дека сè уште давал знаци на живот кога напаѓачот го запалил неговото тело, поради што е побарано дополнително вештачење.
Истражителите сè уште трагаат по мобилниот телефон на новинарот. Уредот не бил пронајден ниту покрај телото, ниту во автомобилот паркиран во близина.
Пријател на Еспозито изјавил дека последен пат разговарал со него во саботата попладне. Во недела околу 10:27 часот му испратил порака, но не добил одговор. Потоа се обидел да го добие преку WhatsApp и му оставил говорна порака.
Tragedia nel Salernitano: è di Luigi "Luca" Esposito, 53 anni, il corpo carbonizzato trovato nelle campagne di Eboli.
La Procura indaga per omicidio: il giornalista sportivo sarebbe stato ucciso a colpi di pistola prima del rogo.Iscriviti al canale per non perdere gli… pic.twitter.com/gQpSo4Re4K
— LaPresse (@LaPresse_news) July 19, 2026
Пораките првично не биле испорачани, но подоцна во неделата попладне се појавиле две сиви ознаки, без сината потврда дека се прочитани. Тоа, според истражителите, укажува дека телефонот во тој момент бил вклучен или се нашол во подрачје со мобилен сигнал.
Еспозито како спортски новинар ги следел фудбалските клубови од регионот Кампанија. Работел како телевизиски коментатор, соработувал со повеќе дневни весници и пишувал колумни. На 4 јули го прославил својот 53. роденден.
По неговото убиство се појавија информации дека работел во регионалната агенција за заштита на животната средина „Арпак“, но од институцијата ги демантираа тие тврдења, нагласувајќи дека никогаш не бил нивен вработен ниту бил поврзан со регионалната администрација.
Истражителите се обидуваат да утврдат и зошто Еспозито им кажувал на роднините и пријателите дека секое утро е зафатен со работа и дека тогаш не треба да биде вознемируван.
Prosegue l'indagine sull'omicidio di Luigi Esposito, detto Luca, il giornalista sportivo trovato ucciso in provincia di #Salerno. Si indaga sugli incontri delle sue ultime ore.#Tg3 pic.twitter.com/8FMcj2d0Cq
— Tg3 (@Tg3web) July 20, 2026
Дополнително внимание привлекува и венчалниот прстен што го носел, кој би можел да укажува дека бил во брак, иако постоењето на сопруга сè уште не е официјално потврдено.
Лука Еспозито, чие официјално име било Луиџи Еспозито, бил познат спортски новинар и колумнист. Најмногу известувал за клубот Салернитана, натпреварите од Серија Ц и фудбалските трансфери. На социјалните мрежи го следеле околу 15.000 луѓе.
Истрагата за мотивот на убиството продолжува.