Централната команда на САД (CENTCOM) објави дека започнала серија воздушни напади врз цели во Иран, наведувајќи дека ова е одговор на она што го тврдат како ирански напади врз три трговски брода што минуваат низ Ормускиот теснец, додека иранските медиуми објавија дека се слушнале силни експлозии на југот од земјата.
Во објава на социјалната мрежа X, CENTCOM изјави дека целта на нападите била Иран да плати „висока цена“ за нападот врз трговски бродови што превезуваат цивили на меѓународен воден пат.
Во соопштението се додава дека американските напади биле одговор на она што го тврдат како ирански напади врз три комерцијални брода што минуваат низ Ормускиот теснец.
Американската војска оцени дека „иранската агресија“ била неиспровоцирана, опасна и јасно кршење на договорот за прекин на огнот.
Во исто време, иранските медиуми објавија дека се слушнале експлозии во неколку области во јужен Иран. САД повторно воведоа санкции врз иранската нафта во вторникoт, откако американски функционер предупреди дека нападите на Иран врз бродови во Ормускиот теснец се „целосно неприфатливи“ и дека Иран ќе се соочи со последици. Иранското Министерство за надворешни работи го осуди потегот на Министерството за финансии на САД за укинување на привремената суспензија на санкциите за продажба на иранска нафта, велејќи дека одлуката го прекршила Меморандумот за разбирање (MoU) за прекин на војната. Иранското министерство изјави дека САД се одговорни за последиците од кршењето на меморандумот, објави Ројтерс.
Во соопштението се нагласува дека Иран ќе преземе сите мерки што ги смета за неопходни за да ги заштити своите интереси и национална безбедност.
САД и Иран постигнаа договор за прекин на огнот на 17 јуни, кога потпишаа привремен договор и меморандум за разбирање од 14 точки во Швајцарија, со посредство на Пакистан.
Овој договор следеше по драматична ескалација на конфликтот и повеќемесечна војна (која започна кон крајот на февруари со напади врз Иран). Првото, пократко и привремено прекин на огнот беше прогласено на 8 април 2026 година, но конечната политичка рамка што формално го означи прекинот на големите воени операции беше обликувана од јунскиот договор.