Израелскиот премиер Бенјамин Нетанјаху денеска изјави дека Израел ќе ја заштити слободата на пловидба и безбедноста на поморските трговски патишта.
„Поставив едноставна цел. Целта на морнарицата, но и на Израел е да ги обезбеди поморските патишта и слободата на поморската трговија, кои се од клучно значење за државата Израел“, рече Нетанјаху за време на посетата на поморската база во Хаифа, пишува The Times of Israel.
Неговата изјава следеше, според израелскиот портал, во време кога Иран продолжува со нападите врз танкери во Ормускиот теснец, а јеменската бунтовничка група Хути, поддржана од Иран, испраќа нови закани до израелските бродови во Црвеното Море.