Дваесет и тригодишна девојка од Македонија е пронајдена мртва во стан во областа Неаполи во Солун, објавија грчките медиуми.
Според информациите, нејзините родители подолго време не успеале да стапат во контакт со неа, по што близок роднина отишол до станот во кој престојувала. Таму ја пронашол без знаци на живот, по што веднаш биле известени полицијата и итната медицинска помош.
Според грчките медиуми, при првичниот преглед на телото не биле констатирани траги што би укажувале на насилна смрт или на извршено кривично дело.
Надлежните органи спроведуваат истрага, а ќе биде извршена и обдукција за да се утврдат точната причина за смртта и сите околности поврзани со случајот.
