Малолетник (17) од Англија загина денес во раните утрински часови во Грција, откако падна од хотелски балкон, пишува „Прототема“.
Тој е итно пренесен во болница во многу тешка состојба, но таму им подлегна на повредите.
Полицијата отвори истрага за да ги разјасни сите околности на несреќата.
Според првичните информации, пред несреќата, момчето и негов пријател нелегално купиле алкохолни пијалаци во продавница.
Тие покажале лажна возачка дозвола и на тој начин купиле алкохол.
Продавачот е уапсен поради изложување на малолетници на опасност.