Русија не исклучува дипломатско решение на конфликтот со Украина, но тоа е можно само ако оние „од другата страна“ разберат дека рамката од Анкориџ е единствената одржлива опција, изјави заменик-министерот за надворешни работи на Русија, Сергеј Рјабков.
– Рамката на договорите постигнати на самитот Русија-САД во Алјаска нема алтернатива и дојде време да се пополни со конкретна содржина, изјави Рјабков, пренесува ТАСС.
„Специјалната воена операција продолжува, целите ќе бидат постигнати, но ние не го отфрламе дипломатскиот пат и сме подготвени, отворени да работиме во таа насока, ако другата страна разбере дека рамката од Анкориџ нема алтернатива и дека дојде време да се пополни со конкретна содржина“, изјави рускиот дипломат за новинарите.