Бројот на жртви од рускиот напад врз градот Днепар се искачи на 11, вклучувајќи две деца, изјави вчера началникот на Воената администрација на Днепар, Олександр Ханжа. Во Киев пак загинаа пет лица, а 64 беа ранети, според информациите објавени на Телеграм од градоначалникот на Киев, Виталиј Кличко. 37 цивили беа повредени во Днепар.
Руските сили извршија масовен комбиниран напад врз Украина, користејќи беспилотни летала, како и ракети од различни видови лансирани од воздух, море и копно.
Руското Министерство за одбрана објави дека, како одговор на „терористичките напади во Киев“, руските вооружени сили започнаа масовен напад врз објектите на одбранбената индустрија. Според извештајот, погодени се објекти во Киев, Запорожје, Харков и Днепропетровск, кои се контролирани од украинските вооружени сили, како и во Полтавскиот, Хмелницкиот и Сумискиот регион.