Вишото јавно обвинителство во Белград поднесе обвинение против С. М. (32) и П. С. (27) поради сомнение дека на 20 ноември 2025 година и 3 февруари 2026 година активирале и фрлиле две рачни гранати врз семејните домови на оштетените, од кои едната била во куќата на Здравко Чолиќ.
Обвинението, кое е доставено до Вишиот суд во Белград за донесување одлука за потврда, ги товари обвинетите за две кривични дела недозволено производство, поседување, носење и тргување со оружје и експлозиви во соизвршување во врска со две кривични дела предизвикување општа опасност во соизвршување, соопшти обвинителството.
Обвинителството му предложи на судот да го продолжи притворот на двајцата обвинети за да не го повторат кривичното дело во краток временски период.