Лидерот на СДСМ, Венко Филипче, преку објави на социјалната мрежа X ги отфрли шпекулациите за можна широка влада или коалиција со ВМРО-ДПМНЕ, нагласувајќи дека неговата партија дава поддршка исклучиво за европските интеграции и реформите.
„Каква широка влада? Кој зборувал за влада и коалиција? Јасно кажав – поддршка за европските интеграции и реформите. Да влеземе во тендер коалицијата на Мицкоски? Од каде некому му падна на памет таква идеја? Ние не преговараме за фотелји и позиции. Ние зборуваме за иднината на Македонија во Европската Унија. Реформи сега. Малцинства во Уставот сега. Европа сега“, напиша Филипче.
Во друга објава, тој се осврна на евроинтегративниот процес и односите со Бугарија, оценувајќи дека премиерот Христијан Мицкоски дава ветувања кои не ги исполнува.
„Бугарија е јасна: Францускиот предлог е на маса. Нема што Мицкоски да ветува – секое негово ветување завршува со неисполнување. Уште девет дена до 1 јуни и уште едно неисполнето ветување за Реформската агенда. Граѓаните веќе не веруваат во зборови. Сакаат резултати“, порача Филипче.
Каква широка влада? Кој зборувал за влада и коалиција?
Јасно кажав – поддршка за европските интеграции и реформите.
Да влеземе во тендер коалицијата на Мицкоски?
Од каде некому му падна на памет таква идеја?Ние не преговараме за фотелји и позиции.
Ние зборуваме за иднината… pic.twitter.com/tsaF9sEhf5
— Venko Filipce (@VFilipche) May 22, 2026