На граничниот премин Градишка помеѓу Босна и Хрватска, се урна дел од оградата на мостот, целосно блокирајќи го движењето на возила и пешаци, објавија локалните медиуми. Оградата попушти под неутврдени околности, а според првичните информации, нема повредени, објави Klix.ba.
– Поради уривањето на дел од мостот, сообраќајот на граничниот премин Градишка е прекинат од синоќа. На другите гранични премини, задржувањата за патнички возила моментално се помеѓу 10 и 30 минути, се вели во соопштението од Автомобилскиот и мотоциклистички клуб на Босна и Херцеговина (БИХАМК).
РТРС објави дека уривањето се случило утрово околу еден часот по полноќ, и дека сообраќајот под мостот и околните улици е затворен.
