Инцидент се случи денеска на аеродромот во Сплит за време на полетувањето на авион на „Кроација ерлајнс“.
Како што објави „Далмација Данас“, авионот требало да полета кон Франкфурт, но од непознати причини заврши надвор од пистата, на тревната површина покрај пистата.
Според првите информации, се се случи за време на постапката на полетување, под сè уште нејасни околности.
Во овој момент не е познато дали има повредени, ниту колкава е материјалната штета на авионот.
Од аеродромот во Сплит беше потврдено дека сè се случило околу 13:30 часот на летот за Франкфурт.
Во авионот имало 132 патници и пет члена на екипажот.
Сите беа безбедно евакуирани веднаш по инцидентот, додека техничките служби работат на отстранување на авионот од пистата.