Иран сè уште не донел конечна одлука за предлогот на САД за прекин на конфликтот и продолжува да ги разгледува пораките пренесени преку Пакистан, изјави денес портпаролот на иранското Министерство за надворешни работи, Есмаил Багеи.
Според „Тасним“, Багеи истакнал дека Техеран сè уште не доставил одговор до американската страна и дека иранското Министерство за надворешни работи продолжува да ги анализира пораките.
Според претходните изјави на регионален извор за Си-Ен-Ен, се очекува Иран денес да го достави својот одговор на предлогот на САД до медијаторите. Извори запознаени со преговорите велат дека двете страни се приближуваат кон можен договор.