Дваесет и седумгодишен жител на Гостивар се здоби со тешки повреди откако падна од четирицикл додека се движеше по шумски пат. Повредениот е пренесен во Ургентниот центар.
– Во ОВР Гостивар е пријавено дека кај нив е донесено повредено лице по пад од возило. По извршените проверки утврдено е дека се работи за Е.К.(27) од Гостивар. Тој управувајќи четирицикл без регистарски ознаки и без возачка дозвола на шумски пат помеѓу селата Речане и Дуф, изгубил контрола и паднал при што се здобил со тешки повреди, информира портпаролот на СВР Тетово, Фатмир Реџепи.
Тој потврди дека за настанот е известен јавен обвинител. На местото на несреќата екипа од ОВР Гостивар извршила увид за да се утврдат поединости и околностите кои довеле до неа.