Американскиот претседател Доналд Трамп објави на својот профил на социјалните мрежи Truth Social дека Иранците сакаат да го отворат Ормутскиот теснец.
Како што наведе во објавата, Иран наводно ги информирал САД дека е во „состојба на колапс“ и сега се обидува да ја реши ситуацијата со раководството на земјата.
– Иран штотуку нè информираше дека е во „состојба на колапс“. Тие сакаат што поскоро да го „отвориме Ормутскиот теснец“ додека се обидуваат да ја решат ситуацијата со нивното раководство (што верувам дека ќе можат да го сторат!). Ви благодарам за вашето внимание по ова прашање, напиша Трамп на Truth Social.