Иранската државна телевизија објави на Телеграм дека „досега, ниедна делегација од Иран не отпатувала во Исламабад, ниту главната ниту помошната, ниту почетната ниту последователната“.
Во соопштението се отфрлаат, како што се наведува, „гласините“ за заминувањето или пристигнувањето на делегацијата и проценките за времето на нејзиното пристигнување објавени од „меѓународни медиуми и регионални извори“.
Во исто време, се повторува ставот на иранските претставници, вклучувајќи го и претседателот на парламентот и главен преговарач Мохамед Багер Галибаф, кој претходно изјави дека Техеран не прифаќа преговори „во сенка на закани“.