Иранскиот претседател Масуд Пезешкијан денеска пристигна во Москва, каде што ќе учествува на самитот на шефовите на држави и влади на Форумот на земјите извознички на гас (GECF), пренесува Интерфакс.
Претходно, помошникот на рускиот претседател Владимир Путин – Јуриј Ушаков, најави дека Путин ќе се сретне со Пезешкијан и со катарскиот емир, шеикот Тамим бин Хамад ал Тани, во рамките на самитот што започнува утре.
Осмиот самит на шефовите на држави и влади на Форумот на земјите извознички на гас (GECF) ќе се одржи утре во Москва, а Путин ќе одржи пет билатерални средби на маргините на форумот.