Американската војска соопшти дека целосно ја блокирала поморската трговија кон и од Иран и дека поморската блокада продолжува да се спроведува против бродови од сите нации кои влегуваат или излегуваат од крајбрежните области или пристаништа на земјата. „Блокадата на иранските пристаништа е целосно спроведена“, објави Бред Купер, командант на Централната команда на САД (CENTCOM), синоќа на X.
Купер рече дека американските сили одржуваат поморска доминација на Блискиот Исток и целосно ја прекинале поморската трговија со Иран за помалку од 36 часа од почетокот на блокадата. Во посебна изјава, CENTCOM рече дека уништувачите со водени ракети биле дел од операцијата.
Statement from Adm. Brad Cooper, CENTCOM commander: pic.twitter.com/dJxKJcEcmO
— U.S. Central Command (@CENTCOM) April 15, 2026
„Блокадата се спроведува непристрасно против бродови од сите нации кои влегуваат или излегуваат од крајбрежните области или пристаништа на Иран“, додаде CENTCOM. Американскиот претседател Доналд Трамп ја објави блокадата на Ормутскиот теснец по неуспешните разговори во Исламабад меѓу Вашингтон и Техеран за време на викендот.
Целта е да се спречи Иран да заработува пари од такси за премин низ теснецот и да се намалат приходите од нафта. Американскиот потпретседател Џ.Д. Венс вчера на настан во Џорџија изјави дека се почитува прекинот на огнот меѓу САД и Иран и дека претседателот Доналд Трамп не сака само „мал договор“ со Техеран, туку „голем договор“.