Иранскиот министер за надворешни работи, Абас Аракчи, денес, за време на телефонскиот разговор со неговиот француски колега Жан-Ноел Бароу, изјави дека неуспехот да се постигне договор во преговорите меѓу Иран и САД, со посредство на Пакистан, се должи на прекумерни барања и промени во позициите на Вашингтон.
– Исламската Република Иран, и покрај апсолутната недоверба кон американската страна, влезе во преговорите со одговорен пристап и добра волја. Иако е постигнат напредок во процесот на преговори по многу прашања, прекумерните барања на американската страна и постојаните промени во нивните барања го спречија постигнувањето договор, рече Аракчи, објави иранската новинска агенција Тасним.
Францускиот министер за надворешни работи ја повтори поддршката на неговата земја за дипломатски пристап кон прекинување на војната и изрази надеж дека продолжувањето на дијалогот ќе доведе до конечен договор.