Русија е подготвена да гради односи со унгарската влада што ќе биде формирана по неодамна одржаните избори во земјата. Сè ќе зависи од тоа колку новата влада ги разбира унгарските национални интереси, изјави рускиот министер за надворешни работи Сергеј Лавров.
– Подготвени сме да градиме односи со новата влада. Сè зависи од тоа колку оваа влада ги разбира своите национални интереси – изјави Лавров за руските медиуми.
Шефот на руската дипломатија нагласи дека Москва ќе разгледа конкретни случаи и дека е подготвена да гради рамноправни и меѓусебно корисни односи со сите земји, врз основа на наоѓање рамнотежа на интересите.
Националното изборно биро на Унгарија објави дека опозициската партија Тиса победи на изборите на 12 април, обезбедувајќи 138 од 199 места во Националното собрание (еднодомен парламент).
Нејзиниот лидер, Петар Маѓар изјави дека ќе го врати полноправното членство на Унгарија во Европската Унија и НАТО.
Порано денес, Маѓар истакна дека Будимпешта е подготвена за прагматична соработка со Москва.