Утринава се спроведува обемна координирана полициска акција насочена против нарко-дилери на повеќе локации низ државата.
Според неофицијални информации, Министерството за внатрешни работи, преку Бирото за јавна безбедност и Одделот за организиран криминал, во координација со Обвинителството за гонење организиран криминал и корупција, дејствува во Скопје, Штип, Струмица, како и во скопското село Грчец.
Цел на акцијата е разбивање на криминална мрежа поврзана со трговија со кокаин.
Засега нема официјални информации за бројот на приведени лица или запленета дрога, а повеќе детали се очекуваат во текот на денот.
