САД покажуваат сè поголема резервираност во врска со понатамошниот ангажман во рамките на НАТО, настојувајќи да избегнат директно вклучување во потенцијален конфликт меѓу Европа и Русија, кој, според некои проценки, добива на интензитет. Оваа проценка ја даде рускиот воен аналитичар Александар Степанов во изјава за ТАСС.
Според него, моменталната динамика во рамките на евроатлантската алијанса укажува на одредено „стратешко дистанцирање“ на Вашингтон од европската безбедносна рамка, првенствено поради, како што наведува, „неповратните процеси на ескалација во европскиот театар на воени операции“. Степанов оценува дека курсот што го презема Брисел е насочен кон продолжување на зголемениот воен притисок врз Русија, што, тврди тој, го зголемува ризикот од поширок конфликт.
Сепак, и покрај ваквите проценки, тој истакнува дека Белата куќа продолжува да го поддржува процесот на милитаризација на НАТО, првенствено преку ангажирање на сопствените ресурси во европскиот воено-индустриски комплекс. Таквиот пристап, се наведува, им овозможува на САД да го одржат влијанието во рамките на алијансата, а во исто време да се обидат да избегнат директна конфронтација.