Францускиот претседател Емануел Макрон денес разговараше со својот ирански колега Масуд Пезешкијан, на кого му порача веднаш да ги запре нападите врз земјите во регионот.
„Иран мора да гарантира и слобода на пловидба со прекинување на фактичкото затворање на Ормутскиот теснец. Конечно, ја повторив нашата длабока загриженост за развојот на нуклеарната и балистичката програма на Иран и целиот спектар на неговите дестабилизирачки активности во регионот, кои се во коренот на сегашната криза“, рече Макрон.
Како што додаде, дипломатско решение е потребно повеќе од кога било „за да се решат овие клучни предизвици, да се стави крај на ескалацијата и да се зачува мирот“.
„Се согласивме да останеме во контакт“, заклучи Макрон.
