Иранската централна команда „Хатам ал-Анбија“ соопшти дека американскиот носач на авиони „УСС Абрахам Линколн“ бил погоден од ирански беспилотни летала во Оманското Море.
– Носачот на авиони „Абрахам Линколн“, кој се приближил на 340 километри од поморските граници на Иран во Оманското Море во обид да го контролира Ормутскиот теснец, e погоден од беспилотни летала на морнарицата на Иранската револуционерна гарда, изјави портпарол на Централната команда Хатам ал-Анбија, објави „Тасним“.
Портпаролот додаде дека бродот брзо избегал со своите разурнувачи и сега е оддалечен 1.000 километри од регионот.
Иранската војска, исто така, во неделата тврдеше дека го погодила носачот на авиони со четири крстосувачки ракети и дека бродот пловел кон Индискиот Океан по нападот. Американските воени претставници ги негираа извештаите дека ракетите го погодиле бродот.
