Иранската опозициска телевизија Иран Интернешнл, со седиште во Лондон, објави под етикетата „ексклузивно“ дека поранешниот ирански претседател Махмуд Ахмадинеџад е жив.
– Тој го преживеал обидот за атентат – објави медиумот, повикувајќи се на добро информирани извори кои тврдат дека Ахмадинеџад бил неповреден и бил префрлен на безбедно место.
Во текот на изминатиот викенд, за време на израелските воздушни напади, иранските медиуми објавија контрадикторни информации за судбината на Ахмадинеџад, при што некои тврдеа дека тој е убиен, додека други не беа во можност да го потврдат ова.