Федерална голема порота подигна обвинение против 33-годишен маж од Охајо за закана дека ќе го убие потпретседателот на САД Џ.Д. Венс за време на неговата посета на државата во јануари.
Според соопштението на Министерството за правда на САД, Шенон Матре од Толедо е обвинет за закана дека ќе го убие и ќе му нанесе телесни повреди на потпретседателот на САД, објави Ројтерс.
Во обвинението се наведува дека Матре рекол дека ќе открие каде е Венс и ќе го убие со автоматско оружје.
Матре е уапсен од агенти на американската тајна служба. Министерството за правда на САД соопшти дека федералните агенти откриja повеќе досиеја со материјали за сексуална злоупотреба на деца во сопственост на Матре за време на истрагата. Обвинетиот се појавил пред федерален магистрат судија за Северниот округ на Охајо и останува во притвор до рочиштето закажано за 11 февруари. Доколку биде осуден, Матре се соочува со максимална казна од пет години затвор и парична казна до 250.000 долари.
По обвинението за поседување материјал со сексуална злоупотреба на деца, тој се соочува со затворска казна до 20 години и дополнителна парична казна до 250.000 долари.