Сообраќајот на државните патишта вечерва се одвива непречено, по претежно влажни коловози.
Како што информираат Автомотосојузот на Македонија и ЈП „Македонија пат“, снег со слаб интензитет провејува на Попова Шапка, Маврово и Крушево.
На патниот правец Р-1302 Берово – Струмица (кај село Ратево) поради поголем одрон сообраќајот се одвива по направена девијација во должина од 50 метри.
Сите други патни правци во државата се проодни.
Интензитетот на сообраќај на патните правци надвор од градските средини е умерен.
На возачите им се препорачува приспособена брзина на движење, почитување на поставената сообраќајна сигнализација и внимателно управување со возилата.