Две лица го загубија животот во Грција како последица на силните дождови и поплави што ја зафатија Атина и други делови од земјата.
Според грчката противпожарна служба, 56-годишна жена загинала во јужното атинско предградие Глифада, откако била удрена од автомобил кој бил однесен од надојдените води.
Powerfull surges due to Storm Harry in Cirò Marina, Calabria, Italy 🇮🇹
And
Massive flooding due to extreme rainfall in Glyfada, South Athens, Greece 🇬🇷 (21.01.2026)
disasternews pic.twitter.com/s0KvzxTEUs— Alma Gentil (@Chinoy200096633) January 21, 2026
Претходно, 53-годишен припадник на крајбрежната стража од пристаниште во Пелопонез загинал откако паднал во морето додека се обидувал да врзе мал чамец. Полицаецот бил однесен од силниот ветер и разбрануваното море.
Грција вчера беше погодена од интензивни врнежи од дожд, грмотевици, силни ветрови и снежни врнежи во некои региони. Надлежните служби соопштија дека неповолните временски услови се очекува да продолжат и денеска.
Шест региони во земјата се ставени во состојба на зголемена мобилизација, а во повеќе подрачја извршени се евакуации на домаќинства како превентивна мерка.