Најмалку 13 лица загинаа, а речиси 100 се повредени при излетување на воз од шини во југоисточниот регион Оахака во Мексико, соопшти мексиканската морнарица. Возот, кој се движеше помеѓу Мексиканскиот Залив и Тихиот Океан, превезуваше 241 патник и девет членови на екипажот, објави Би-Би-Си. Вкупно 98 лица се повредени, од кои 36 се хоспитализирани, соопшти морнарицата.
मेक्सिको में ट्रेन पटरी से उतरी: 13 की मौत, 98 घायल#MexicoTrainAccident #Oaxaca #TrainDerailment #GlobalNews #BreakingNews #RailAccident #MexicoNews
Mexico | Oaxaca | Train | Accident | Railways | Casualties | World News pic.twitter.com/3SKNKZuQB2— The Credible News (@TCNLive2025) December 29, 2025
Главниот обвинител на Мексико потврди дека е во тек истрага. Мексиканската претседателка Клаудија Шајнбаум изјави дека петмина од повредените се во сериозна состојба. Таа додаде дека високи функционери се на пат кон местото на несреќата.
Трансокеанскиот воз сообраќа од пристаништето Салина Круз на Тихиот Океан до Коацакоалкос на Мексиканскиот Залив, на растојание од приближно 290 километри, и имаше две локомотиви и четири патнички вагони.
Трансокеанската железничка линија беше отворена пред две години за да се поттикне регионалната економија.