Шкелзен Авдиу, единствениот преживеан во тешката сообраќајна несреќа што се случи утрово на автопатот А1 во Србија, се наоѓа во кома и е хоспитализиран во Ургентниот центар во Белград.
Во трагедијата што се случи кај населбата Умчари, во близина на српскиот главен град, загинаа возачот Назим Авдиу и сопругата на Шкелзен Авдиу.
Несреќата се случи во претпладневните часови, кога патничко возило „сеат“ со германски регистарски таблички излетало од коловозот, удрило во заштитната ограда и завршило во сообраќаен знак.
Надлежен судија издал наредба за обдукција на починатите, како и за техничко вештачење на возилото.
Според првичните информации, се претпоставува дека возачот ја загубил контролата над возилото поради замор, а не е исклучена можноста и да заспал зад воланот.