Новак Ѓоковиќ привлече големо внимание со својот одговор на прашање поврзано со Светското првенство во фудбал идната година.
Српскиот тенисер беше во Катар каде што ја следеше трката во Формула 1 и настаните околу „најбрзиот циркус на светот“, но најде време и да одговори на разни интересни прашања.
Едно од нив беше поврзано со финалистите, односно потенцијалниот победник на Светското првенство, кое ќе се одржи следната година во САД, Мексико и Канада.
За време на кратко интервју, тој откри кого гледа на финалето на најголемиот фудбалски настан во светот.
🎾🇷🇸 Tennis legend Novak Djokovic’s prediction for the 2026 FIFA World Cup. 🏆
“Portugal is gonna beat Mexico in the final; Portugal-Mexico final and Portugal wins it”. 🤯🇵🇹
— All Fútbol MX 🇲🇽 (@AllFutbolMX) December 7, 2025
„Ќе бидам многу смел. Португалија! Португалија ќе го победи Мексико во финалето“, рече Ѓоковиќ.
Новинарот не можеше да поверува што слушна, па ги спомена Франција, Шпанија…
„Знам, но затоа реков дека ќе бидам смел. Португалија – Мексико финале, Португалија победува“, повтори Ѓоковиќ уште еднаш.
На Светското првенство, Португалија ќе игра во групата К против Узбекистан и Колумбија, а четвртата репрезентација ќе биде позната по плејофот.
Мексико, како еден од домаќините, е сместен во групата А, каде што се вклучени и Јужна Африка, Јужна Кореја и една екипа од европските квалификации, односно плејофот.