62-годишна жена пријавила дека била измамена откако две жени дошле во нејзиниот двор и икажале дека и е направена магија. За да и помогнат им дала накит и пари.
– На 06.12.2025 во 17:00 часот во ОВР Кочани, 62-годишна жена пријави дека била измамена од две женски лица. Според пријавеното, во двор од семејната куќа во кочанско село, дошле две жени и на оштетената и рекле дека и е направена магија, а за да и помогнат и побарале накит и пари. Откако им дала пари и личен накит, лицата си заминале. Се преземаат мерки за расчистување на случајот, соопшти МВР.