Со наредба на Вишото јавно обвинителство во Панчево, на Л.Х.Г. (40), Ц.Ј.Л. (38) и В.Т. (43), државјани на Народна Република Кина, им е одреден притвор до 48 часа.
Осомничените се уапсени затоа што сториле кривично дело киднапирање со тоа што на 3 декември со автомобил ги превезле сега оштетените државјанки на Народна Република Кина родени во 1986 и 1989 година, од аеродромот „Никола Тесла“ во Белград во Панчево, каде што жртвите биле малтертирани и силувани.
Ц.Ј.Л. и В.Т. се товарат и за сторено кривично дело силување.
Дежурните јавни обвинители, заедно со припадници на Полициската управа во Панчево, спроведоа увид на местото на настанот и во соработка со полицијата се преземаат сите потребни дејствија за собирање докази.
Осомничените ќе бидат однесени на сослушување во Вишото јавно обвинителство во Панчево.