Германскиот канцелар Фридрих Мерц денес изјави дека не може да има „диктиран мир“ во Украина и дека е во интерес на Германија да има блиски и „рамноправни“ политички односи со Полска во време кога тие се соочуваат со „заканата од ревизионистичкиот режим на Русија“.
– Особено во овие времиња, кога европското единство е под таков притисок, не смееме да дозволиме да бидеме поделени, изјави Мерц на заедничката прес-конференција по средбата со полскиот премиер Доналд Туск во Берлин, објави „Гардијан“.
Мерц повика на поблиска соработка во областа на одбраната и безбедноста, вклучително и одбраната на источниот крило на НАТО со германски борбени авиони стационирани во Полска и заедничка работа на беспилотни летала.