Израелскиот премиер Бенјамин Нетанјаху денес изјави дека Хамас ќе биде разоружан, и покрај извештаите дека САД размислуваат за продолжување на реконструкцијата на делови од Газа пред да усвојат план за разоружување на палестинската милитантна група.
Зборувајќи за „таканаречената демилитаризација“ на делови од Газа контролирани од Хамас, Нетанјаху на почетокот на состанокот на кабинетот рече дека „нема да има такво нешто“, објавува „Тајмс оф Израел“.
„Во планот од 20 точки, и во секој друг случај, оваа област ќе биде демилитаризирана, а Хамас ќе биде разоружан – со лесни или тешки средства. Тоа го кажав јас, и тоа го рече претседателот Доналд Трамп“, нагласи израелскиот премиер, еден ден пред седницата на Советот за безбедност на ОН, каде што ќе се гласа за резолуција со која се поддржува планот на американскиот претседател за Газа.