МВР извести дека вчера околу 19.30 часот полициски службеници го уапсија Б.Р. (59) од Скопје.
„Тој на 28.10.2025 околу 20.30 часот на ул.„Перо Наков“ во Скопје, со возило „фиат сеиченто“ удри во 11-годишна малолетничка од Скопје, по што со возилото го напушти местото на настанот. Во несреќата со тешки повреди се здоби малолетничката, констатирани во Комплексот клиники „Мајка Тереза“. Веднаш по добиената пријава, преземени се соодветни мерки и активности и возачот и возилото се пронајдени. Осомничениот Б.Р. по наредба на јавен обвинител е задржан во полициска станица, а по документирање на случајот ќе биде поднесена соодветна кривична пријава.