Земјотрес со магнитуда од 5,4 степени според Рихтеровата скала го погоди синоќа брегот на руските северни Курилски Острови, објави раководителката на сеизмичката станица во Сахалин, Елена Семенова.
Таа рече дека епицентарот на земјотресот бил во Тихиот Океан, 78 километри југоисточно од градот Северо-Курилск на островот Парамушир, на длабочина од 56 километри.
Семенова изјави дека не е издадено предупредување за цунами, објави РИА Новости. Засега нема информации за можни повредени или штети.