САД ќе ѝ обезбедат на Украина клучни разузнавачки информации за лансирање ракетни напади со долг дострел врз руската енергетска инфраструктура, потврдија американските претставници, пишува WSJ. Одлуката доаѓа во време кога администрацијата на претседателот Доналд Трамп размислува да испрати уште помоќно оружје во Киев, што би ставило значително повеќе цели во Русија во дострел на украинските сили.
Според американските претставници, претседателот Трамп неодамна им даде зелено светло на разузнавачките агенции и на Пентагон да му помогнат на Киев да планира и извршува напади. Дополнително, Вашингтон активно ги охрабрува сојузниците на НАТО да обезбедат слична поддршка на Украина.
Проширеното споделување разузнавачки информации со Киев е најновиот знак за продлабочување на поддршката на САД за Украина. Овој потег доаѓа откако напорите за започнување мировни преговори заглавија, што укажува на промена во пристапот на администрацијата на Трамп кон конфликтот.