Беспилотно летало лансирано вчера од Хутите од Јемен рани 22 лица во јужниот израелски град Еилат, објавија израелските служби за итна медицинска помош. Тоа беше редок пробив низ софистицираната противвоздушна одбрана на Израел, која во голема мера го ограничи бројот на жртви во вакви напади, пишува Асошиејтед Прес.
Во Појасот Газа, според локалните болници, израелските сили убија најмалку 41 Палестинец.
Јеменските Хути – сојузници на Иран – редовно испукуваат дронови и ракети кон Израел и напаѓаат меѓународни бродови, тврдејќи дека го прават тоа во поддршка на Палестинците. Огромното мнозинство од овие дронови и ракети се соборуваат или паѓаат во ненаселени области без повредени.
This is the moment a drone launched by Yemen’s Houthis exploded in the Israeli city of Eilat.
Footage shows it over the southern port city before bursting into flames in a residential neighbourhood, injuring at least 22 people, after Israeli military failed to intercept it. pic.twitter.com/IcA6CnzVX9
— Al Jazeera English (@AJEnglish) September 24, 2025
Хутите во соопштението изјавија дека испукале два дрона кон Израел. Израел изврши воздушни напади во Јемен по претходните напади, а израелскиот министер за одбрана Израел Кац ги предупреди Хутите на социјалните мрежи дека „секој што ќе му наштети на Израел ќе биде одмазден седумкратно“.
Израелската војска соопшти дека се обидела да го пресретне дронот. Службата за итни случаи „Маген Дејвид Адом“ соопшти дека повредените се однесени во болница, а двајца се здобиле со „сериозни повреди од шрапнели на екстремитетите“.
Во Газа, најмалку 22 лица беа убиени кога израелски напад погоди шатори во кои се сместени раселени лица во градот Газа, изјави д-р Фадел Наим, директор на болницата „Ал-Ахли“. Три деца и девет жени се меѓу загинатите, изјави тој за „Асошиејтед прес“.
Израелската војска соопшти дека целта на нападот биле двајца членови на Хамас користејќи прецизно оружје и преземајќи мерки на претпазливост за да се избегнат цивилни жртви. Израел го обвинува Хамас за цивилните жртви, велејќи дека милитантите се наоѓаат во густо населени области.
Друг израелски напад погоди група Палестинци во бегалскиот камп „Нусејрат“ во централна Газа, при што загинаа најмалку 12 лица, а беа ранети 18, според болницата „Ал-Авда“. Уште четири лица – две деца и нивните родители – беа убиени во напад врз нивниот дом во Нусејрат, според болницата „Маченици Ал-Акса“ во блиската Деир ал-Балах.
Болницата „Насер“ во јужна Газа соопшти дека ги примила телата на три лица убиени од огнено оружје додека се обидувале да добијат помош. Здравствените власти во Газа и Канцеларијата за човекови права на ОН велат дека стотици луѓе се убиени од израелски оган додека се обидувале да достават хуманитарна помош во последните месеци.
Војската соопшти дека пука во воздух или испукува предупредувачки истрели само кога луѓето се приближуваат кон нејзините сили на начин што го смета за заканувачки.