Тропската бура Марио се формираше денес покрај тихоокеанскиот брег на Мексико и се очекува да донесе ветер, дожд и можни ненадејни поплави, соопшти Националниот центар за урагани на САД.
Во метеоролошкиот извештај бурата Марио е опишана како „мини“ бура, објавува ABC News.
Предупредување за тропска бура е во сила за делови од мексиканската држава Мичоакан.
Националниот центар за урагани со седиште во Мајами соопшти дека епицентарот на бурата Марио се наоѓал околу 64 километри југозападно од Сихуатане, Мексико, и околу 97 километри југоисточно од Лазаро Карденас, објавува Танјуг.