Вишиот суд во Белград одреди 30-дневен притвор за Александра С. (19), осомничена дека на 29 август го оставила своето новородено девојче завиткано во пешкир и кеса покрај контејнер во Земун.
Мајката е притворена за да не влијае на сведоците и да се избегне вознемирување на јавноста, изјави портпаролката на судот Ивона Чогуриќ.
Осомничената молчеше за време на рочиштето, што значи дека го искористила своето законско право да не презентира одбрана, претходно објави обвинителството.
Наредбата за спроведување истрага ја товари осомничената за кривично дело „обид за тешко убиство“. Постојат основи на сомнение дека Александра С. го извадила своето новородено бебе од куќата каде што живее на 29 август околу 6 часот наутро, го завиткала во пелена и пешкир, потоа го ставила во пластична кеса што ја врзала и го оставила бебето покрај контејнер на место подалеку од дофат и видливост на луѓе.
Бебето, кое е родено на 9 август во Клиничката болница Земун, е пронајдено малку подоцна од М.М., а беше пренесено во породилиштето Земун од страна на екипата на брзата помош.